影片
更多
2022-08-08
12 瀏覽
平時美式連鎖漢堡店都已經食到悶，配搭通常都差唔多。今次朋友介紹依間Hero’s Friday真係有啲令我喜出望外。去到嘅時候已經見到大排長龍，店舖座位唔多，多數人都係等緊外賣呀。好彩朋友介紹開用佢哋嘅app提早落單，咁去到嘅時候就唔使等。豬扒蛋班堡 $55依款真係必點嘅漢堡，特別在於佢唔係用傳統嘅漢堡包，而係用平時食開嘅班戟。所以食落口感真係好唔一樣，班戟口感比較厚實但係同時間又鬆軟。炒蛋好順滑，一啲都唔會炒到過火。大大片嘅芝士煮到熱溶，班戟嘅牛油味原來同豬柳漢堡好夾，值得推介。跟餐仲可以揀牛油粟米/薯餅，而飲品就係汽水，可以加$3轉果汁。英雄炸雞 2件套餐 $55金黃色炸雞睇落已經好想食，每一塊都有手掌嘅大小。食落外皮好脆同埋入味，但係內裡嘅雞肉鮮嫩多汁。套餐一樣都會附送牛油粟米/薯餅同埋汽水。隊長漢堡 $76睇menu嘅時侯就知道材料相當豐富，材料有厚切牛肉漢堡扒，熱熔嘅車打芝士、煙肉、蛋、生菜同埋蕃茄，成個漢堡包疊到好高。厚切嘅牛肉漢堡依落好多汁，份量其實都幾多，可能一個人都食唔哂。💰人均100蚊以下
豬扒蛋班堡 $55
依款真係必點嘅漢堡，特別在於佢唔係用傳統嘅漢堡包，而係用平時食開嘅班戟。所以食落口感真係好唔一樣，班戟口感比較厚實但係同時間又鬆軟。炒蛋好順滑，一啲都唔會炒到過火。大大片嘅芝士煮到熱溶，班戟嘅牛油味原來同豬柳漢堡好夾，值得推介。
跟餐仲可以揀牛油粟米/薯餅，而飲品就係汽水，可以加$3轉果汁。
英雄炸雞 2件套餐 $55
金黃色炸雞睇落已經好想食，每一塊都有手掌嘅大小。食落外皮好脆同埋入味，但係內裡嘅雞肉鮮嫩多汁。套餐一樣都會附送牛油粟米/薯餅同埋汽水。
隊長漢堡 $76
睇menu嘅時侯就知道材料相當豐富，材料有厚切牛肉漢堡扒，熱熔嘅車打芝士、煙肉、蛋、生菜同埋蕃茄，成個漢堡包疊到好高。厚切嘅牛肉漢堡依落好多汁，份量其實都幾多，可能一個人都食唔哂。
💰人均100蚊以下
張貼
