MASAM (利發大廈)

營業中

休息中

🐳元朗出名，有好多美食，漢堡包都有幾間唔錯嘅選擇，今次嚟到呢間Masam嘅小型私房漢堡包店。入面嘅裝修有少少懷舊feel，但又帶有現代嘅風格。🐳馬森至尊套餐🐳魷魚蝦枝🐳可樂首先想講吓魷魚蝦枝，雖然要加$5 ，但係都可以值得一試，因為佢入面係有魷魚和蝦，之後用春卷皮包住炸，非常特別。至於個漢堡包就勁大個，因為有好多唔同嘅材料，每樣材料都獨立烹調，最後整成呢個漢堡包，所有材料夾埋一齊食口感非常豐富。🐳鵝肝牛肉漢堡套餐🐳薯條配黑松露醬🐳白桃冷泡茶薯條配黑松露係我嘅至愛，真心講句，佢哋又真係整得好唔錯，薯條新鮮即炸，長度闊度厚度剛剛好，好正！另外漢堡包有勁大塊鵝肝喺上面，如果鍾意食鵝肝嘅朋友，可以只係品嚐鵝肝，非常正，但係如果想嘗試食鵝肝嘅朋友，就可以夾喺漢堡包入面一齊食。