北角四眼妹美食屋 (已結業)

今晚約左個friend係銅鑼灣食飯, 仲有兩個幾鐘諗住落銅鑼灣行住街等佢, 天氣又涼涼地就沿電器度一路行過去, 3點幾有d肚餓想吉串魚蛋食, 行過見到依間四眼妹美食屋, 原本諗住叫串魚蛋就算, 點知比佢鋪面前既大電視播緊既爆餡格仔餅吸引左, 心大心細都係決定要個朱古力格仔餅, 醬揀左可可曲奇妙脆! 即叫即整又有其他客人所以等左5至10分鐘左右, 熱辣辣既格仔餅到, 即刻打開望下係咪爆餡先, 唔打開由自可, 一打開d餡多到沾到手指污糟哂😂好彩老闆娘見我有d論盡就比左個膠袋我格仔餅烘到表面脆脆內裡帶軟熟, 朱古力醬加上曲奇脆脆邪惡到極, 有d似食緊金莎入面個部分咁, 每食一啖都係滿滿既朱古力醬, 食到個咀都黑埋, 一個人係條街度食係有d狼狽, 但係佢既美味戰勝左我既儀態, 最後食哂成個, 食哂後先發覺有d溜, 但係食緊既時候太好味唔覺, 食下食下成個清哂, 建議如果搵多個人share就無咁溜啦見另外都幾多人買雞蛋仔, 下次試下先