珺

營業中

休息中

平時係少食齋，唔知原來香港有啲咁高質既齋食，呢個珺口啤好好，帶媽媽去食，食得好開心，除咗啲菜擺盤好靚之餘，碟碟菜式都好有驚喜，啲味道好食到媽媽都讚不絕口。餐廳有好多菜式都唔識叫，服務員對菜式非常熟悉，推薦左幾道菜比我地揀。黑虎掌燉鷄油菌燉湯一上菜，以為上錯左個茶比我地，原來個茶壺入面係熱辣辣既燉湯，湯超熱，裡面仲有幾種菇同蓮子，個湯非常濃。雞頭米雙色淮山配青汁裡面包住幾種淮山，啲汁幾濃，配埋本身無乜味既淮山一齊食岩岩好。玫瑰叉燒服務員話基本上個個都會叫呢碟，咁我地又跟住叫。個樣真係整到好似叉燒，連個味都好似，但食左好多塊都唔覺得油膩。香脆意大利夜明珠配繡球菌青汁最有驚喜都係呢碟risotto，切開個球入面都係飯，飯唔會太硬，上左菜要盡快食，因為個皮好脆，放耐左會淋。而個繡球菌第一次見，感覺好爽口，唔似食緊菇，個人推薦呢碟主菜。