Abbraccio

中環大館意菜餐廳😌餐廳有戶外露台位置，晚上坐出去可以遠望大館景色，同朋友係到慶祝聚餐絕對難忘👍🏻逢星期五六仲有live band，非常有格調。4 course menu好正，有前菜、肉/海鮮、pizza同甜品，份量十足而且好好食。雞肉沙律雞肉配上綜合沙律🥗係慢煮雞肉有3片半隻手掌咁大件，份量十足。而雞肉經過慢煮，所以雞胸位置都唔會嚡。調味不錯，肉質軟腍，沙律菜新鮮。牛臀尖超級推薦🌟五成熟，肉質比較瘦邊邊位置附有少許脂肪，焗完之後脂肪烤焦，有少少香脆嘅感覺並油脂豐富。進入口腔後脂肪同牛肉口感混合，超級好食！三文魚薄餅最特別佢哋用咗炭點麵團，薄薄一層餅皮，抹上水牛奶芝士、三文魚以及黑魚子，烤焗後餅皮有嚼勁👍🏻三文魚咬落帶鹹香黑色嘅薄餅底拎pizza嘅質感提升，感受到來自意大利的美味😋提拉米蘇忌廉幼滑打得幼滑，咖啡味偏重，底部酒味香，整體質感幾濕潤好正，大推!