快靚正燒味粉麵茶餐廳 (已結業)

呢排阿媽話豬肉貴，唔買豬肉，我見咁耐無豬肉食，放工走左去買燒味返去加餸。成日睇報導都話長沙灣間燒味鋪勁多老鼠，諗起都驚，所以search間有信譽啲既去幫襯，咁啱同同事放工黎深水埗食甜品，搵到呢間係呢頭既燒味鋪。佢有兩個鋪位，一邊係茶餐廳，一邊係燒味，茶餐廳收銀位後既牆開左個窿，燒味部就可以方便送野食過黎。鋪面對比長沙灣個度乾淨好多，食都食得安心啲。由於太耐無食豬肉，所以我揀既都係豬🐷🐷🐷燒腩、叉燒同燒骨。返到去我一打開個盒，阿媽就講左句：「啲燒腩好靚喎！」睇過！咦！真係好靚喎！即刻夾舊試下先！😍😍好正喎！塊皮勁脆！！！好耐都無食過咁脆既燒腩，同埋唔係太多肥膏，肉瘦得黎又唔會又鞋又韌。點埋啲芥辣真係好正🤣👍🏻👍🏻叉燒係我鍾意既瘦叉😂我唔鍾意食肥膏脂肪（黑毛豬個啲除外🤪），唔算好腍但唔會鞋唔會韌，如果啲汁蜜味重啲，甜多啲啲就更好。揀燒骨因為我鍾意食ribs😆中式ribs我都鍾意，味道同叉燒差唔多。又係夠瘦👍🏻啱我食！等拎燒味個時，咁啱老闆見我周圍影相，就話我知為左保持日日新鮮，之前諗計煲例湯清左啲賣淨既燒味，但係用唔到咁多，最近推出兩點半後$16有單或雙拼飯，真係好抵！