影片
更多
2018-07-19
2862 瀏覽
廿多年朋友飯聚被超無禮貌侍應破壞氣氛😡其實之前都有來過吃飯，亦遇唔同既侍應，本來接待已未算特別有禮（或許係因為我對又一城既食店多想了），但昨晚遇到有位侍應阿姐，佢絕對係超級趕客既高手😡我地一行14人（本來15），訂枱時已經問佢有無大枱可以坐15人，佢話無問題，但唔知好彩定唔好彩，有一個朋友嚟唔到，事關佢既所謂15人枱，我地14個人坐都爭啲唔郁得😬（備註：我諗應該唔係同一位侍應阿姐接電話既，如果唔係，可能我已經唔會嚟呢度食飯）之後點菜喇！由於未到齊所以先請侍應幫我地留一個冬瓜盅先，侍應阿姐既即時回覆係「嘩！你地咁多人，一個冬瓜盅邊夠食呀！」😐其實我地全女班，而且佔一半人既食量係小貓咁，所以無諗過會唔夠食，跟住問她大約分到幾碗，佢話「8」碗左右，於是我地有禮地回應左個侍應，話唔緊要，還有其他餸菜，最終決定照落一個單。齊人後，我地就再叫左12個餸菜（因為之前嚟過，都知呢度碟頭細，所以都叫多幾款菜式），以下係我地呢餐飯點左既菜式：1. 冬瓜盅—-呢個要多謝魔術師侍應阿姐，因為最後佢將只可分8碗左右既冬瓜盅分出滿滿既14碗😬👍🏼2. 馬友咸魚雞粒豆腐煲—-炸豆腐可能太細粒，所以炸完再炆一炆後硬了
其實之前都有來過吃飯，亦遇唔同既侍應，本來接待已未算特別有禮（或許係因為我對又一城既食店多想了），但昨晚遇到有位侍應阿姐，佢絕對係超級趕客既高手😡
我地一行14人（本來15），訂枱時已經問佢有無大枱可以坐15人，佢話無問題，但唔知好彩定唔好彩，有一個朋友嚟唔到，事關佢既所謂15人枱，我地14個人坐都爭啲唔郁得😬（備註：我諗應該唔係同一位侍應阿姐接電話既，如果唔係，可能我已經唔會嚟呢度食飯）
之後點菜喇！由於未到齊所以先請侍應幫我地留一個冬瓜盅先，侍應阿姐既即時回覆係「嘩！你地咁多人，一個冬瓜盅邊夠食呀！」😐其實我地全女班，而且佔一半人既食量係小貓咁，所以無諗過會唔夠食，跟住問她大約分到幾碗，佢話「8」碗左右，於是我地有禮地回應左個侍應，話唔緊要，還有其他餸菜，最終決定照落一個單。
齊人後，我地就再叫左12個餸菜（因為之前嚟過，都知呢度碟頭細，所以都叫多幾款菜式），以下係我地呢餐飯點左既菜式：
1. 冬瓜盅—-呢個要多謝魔術師侍應阿姐，因為最後佢將只可分8碗左右既冬瓜盅分出滿滿既14碗😬👍🏼
2. 馬友咸魚雞粒豆腐煲—-炸豆腐可能太細粒，所以炸完再炆一炆後硬了點，同埋啲咸魚一啲咸鮮味都無，講真茶記既咸魚雞粒炒飯啲咸魚粒都好食過佢😐👎🏼
3. 蒜香銀絲帶子蒸翠玉瓜—-呢個菜式🤔ummm......一小堆翠玉瓜加左一pat撈左瑤柱絲+好配合女士櫻桃小咀既加加細碼碎帶子粒既「重」茨，講完！
4. 花雕豉油雞煲—-這道菜式不過不失，但應該删去「花雕」兩個字。呢個菜上枱時，侍應阿姐還附帶一句全枱人都聽到既中懇說話：「咁少，一人一舊都無」🤔其實呢句說話，佢係咪向我地反映緊，佢對佢公司既無良經營食店既不滿呢？不過我真係幫佢唔到，只能請佢直接向公司反映😐
5. 清蒸沙巴龍躉仔—-魚係蒸得唔錯既😊👍🏼好彩呢度還有蒸魚好食既廚師，如果唔係.....,侍應阿姐應該好快另謀高就了😬
6. 家鄉肉崧茄子煲—-呢個同條魚係一set既，肉碎+茄子+「重」茨+勁油.... 講完！
7. 蟹肉海皇蒸蛋白—-呢度菜應該係個人全晚感覺最良好既菜式，因我鐘意食豆腐😜
8. 薑蔥豆卜魚雲煲—-普普通通，無乜特別
9. 魚湯櫻花蝦魚米浸勝瓜—-呢個魚湯也不太差，而且有好多肉碎，個人覺得撈飯食最啱😁。不過可惜侍應阿姐並唔係咁諗🤨事關佢可能太忙，一行埋嚟問都唔問，就將尚有不少肉碎既魚湯倒左落旁邊其他菜汁中一拼收起，將我正計劃用來撈飯既魚湯肉碎奪走了，呢個時候我忍唔住話「aiya....仲有好多肉碎㗎！」，於是侍應阿姐用佢一貫「親民」既語氣話「吓！我點知你仲要啫！」......抱歉，可能我實在太想食肉碎魚湯撈飯，這下子我真係太失望，所以我用左好認真既語氣同侍應阿姐講「你唔知你唔問？」，可能侍應阿姐都感受到我嗰種失落和無奈，於是佢唯有同我講「唔好意思囉！」😭😭😭😭😭咁樣我就無左魚湯撈飯喇！
10. 燒汁帶子牛柳粒—-一堆鬆肉粉味牛肉粒+幾粒帶子外形但無鮮味既帶子，完！
11. 乳豬三拼—-我地揀左叉燒+燒肉拼乳豬，呢個燒味拼盆雖然有點貴，但三樣燒味都幾好食😊👍🏼
12. 鹵水五式拼盆—-呢個呢🤔我只食左其中既鹵鴨舌同幾粒鹵花生，感覺不太咸，唔錯既，但我個人較喜歡爽口一點既鴨舌
13. 瑤柱鮮蝦荷葉飯—-呢個都算係一個幾有趣既荷葉飯🤔事關佢既重點並唔係荷葉飯，而係佢既「鮮蝦」😊點解我咁講呢？係因為我經驗過既「鮮蝦荷葉飯」既鮮蝦，通常都將蝦切粒混入飯中，但唔知係唔夠人手切蝦，還是原隻蝦舖上荷葉飯面係呢度既特色呢？我只見荷葉飯上舖著幾隻面色帶點蒼白既「蝦」，而且食落，個人覺得比平時食既荷葉飯「削」🤔
記趣：話說我滿心歡喜地準備食我碗冬瓜盅湯時，侍應阿姐好語重心腸+即時動作咁將我個吉碗同碗湯對調了位置，然後話「咁樣放慳返啲位置嘛！」🤔其實兩個碗係一樣大小的，對調位置後，可能我太蠢，我真係睇唔出慳左啲咩位出嚟，其次係......點解要慳啲位出嚟呢？啲餸菜都全放在轉盤上，點解我食野既位置要慳啲位出嚟呢？定侍應阿姐擔心我唔夠位食野呢？亦或是侍應阿姐又想向我反映佢對公司既不滿呢？可惜呢一連串既疑問，我都未能得到答案，實是遺憾😔
以下有幾句深情說話想同侍應阿姐講：
侍應阿姐，我十分欣賞你對公司服務質素同菜式份量既自評，你只欠缺了一點向公司直接反映既勇氣，如果你能夠以對我地講野時那份直率無禮既語氣加上那欠笑容又帶點不屑既嘴臉來跟公司上層反映，相信公司一定會對你另眼相看的。
張貼
