影片
更多
2025-01-02
2144 瀏覽
Hugo’s位於尖沙咀凱悅酒店，係一間傳統歐陸菜式嘅高級餐廳。餐廳裝潢華麗，以天花吊燈，鐵甲及長劍等作擺設，非常有氣派。餐廳更配備一系列傳統銀器餐具，包括由胡桃木重新塑造法國餐具殿堂級品牌 Christofle 的兩輛六十年代頭盤餐車，為客人提供席前烹調，帶來優雅嘅美食體驗。💛餐前麵包Bread Basket 有三款包，外脆內軟嘅蒜蓉包，好香濃。比較硬身嘅法包，呢個我麻麻哋。最鍾意佢嘅洋蔥酥皮包，酥皮超鬆化，香口，入口大鹹香，小小油膩，驚食唔到之後嘅主菜，所以都唔敢食晒。💛凱撒沙律 $225Caesar Salad廚師席前即時製作沙律，先調校好醬汁，再將生菜撈上。麵包香脆，入口鬆化，煙肉香口，羅馬生菜新鮮爽甜，醬汁酸甜到適中，灑上芝士及黑胡椒，非常開胃。💛焗金文畢芝士 $280Oven-baked Camembert芝士焗到好香，面層有蜜糖，𢳂上嚟係流心。芝士入口質感幼滑，超香濃，帶有甜蜜蜜嘅蜜糖味。係麵包上沾上芝士及露絲瑪利無花果醬，果醬甜甜酸酸，平衡返芝士嘅味道，一口接一口。💛香煎鴨肝 $305Pan Seared Foie Gras鴨肝外皮微微焦香，入口酥脆，內裡柔軟嫩滑，鴨香味
💛餐前麵包
Bread Basket
有三款包，外脆內軟嘅蒜蓉包，好香濃。比較硬身嘅法包，呢個我麻麻哋。最鍾意佢嘅洋蔥酥皮包，酥皮超鬆化，香口，入口大鹹香，小小油膩，驚食唔到之後嘅主菜，所以都唔敢食晒。
💛凱撒沙律 $225
Caesar Salad
廚師席前即時製作沙律，先調校好醬汁，再將生菜撈上。麵包香脆，入口鬆化，煙肉香口，羅馬生菜新鮮爽甜，醬汁酸甜到適中，灑上芝士及黑胡椒，非常開胃。
💛焗金文畢芝士 $280
Oven-baked Camembert
芝士焗到好香，面層有蜜糖，𢳂上嚟係流心。
芝士入口質感幼滑，超香濃，帶有甜蜜蜜嘅蜜糖味。係麵包上沾上芝士及露絲瑪利無花果醬，果醬甜甜酸酸，平衡返芝士嘅味道，一口接一口。
💛香煎鴨肝 $305
Pan Seared Foie Gras
鴨肝外皮微微焦香，入口酥脆，內裡柔軟嫩滑，鴨香味濃。面層放上青蘋果，並以香橙皮加入法國甜酒汁，配上脆法式軟包，中和整個油膩感。
💛龍蝦湯 $255
Lobster Bisque
廚師推出銀車，於席前表演火焰烹調龍蝦湯。
忌廉白蘭地酒龍蝦湯先炒龍蝦肉，倒上白蘭地，好惹火🔥加入龍蝦湯，再以忌廉點綴。龍蝦湯特濃，入口香濃幼滑，帶有白蘭地酒香味，略嫌鹹咗少少。龍蝦肉得兩舊仔唔夠喉，肉質有啲韌，似乎煮得過火了。
💛燒美國頂級牛肋骨肉 (450g) $810
Roasted US Prime Rib of Beef
必點菜式，建議提前預訂！
廚師會席前喺銀車切片，份量好大
肉色超紅潤，好靚色，肉汁不斷流出來🤤
肉質柔軟稔身，牛肉味香濃，好juicy~正到顛
牛扒邊沾滿黑椒圍邊，咬落偏咸辣口。
伴碟有香脆嘅Yorkshire Pudding，沾滿牛肉汁精華，另有香濃牛油味薯蓉，入口奶滑，軟綿綿。
💛法國葡萄園養殖雞 $565
Vineyard Raised French Chicken
以紅酒燴雞腿及香煎雞胸，捲成圓柱狀，雞肉軟滑，保留肉汁，唔嚡唔韌。
配菜有珍珠洋蔥、煙肉、鮮菌、薯蓉及甘筍
張貼
