鮨盛 (已結業)

網友推介呢間最近新開冇耐嘅鮨店，今晚屋企人生日就請佢地食，一部份嘅菜式都唔錯，打到卡之餘幾有驚喜😆-🌸花hana $1280 16品🔸前菜👉🏻雪場蟹腳·蝦·酸汁啫喱開胃之選。👉🏻蔥油浸生蠔·富山灣螢光魷魚🦪🦑呢個勁有驚喜，生蠔吸收晒蔥油香，估唔到熟生蠔咁好食！螢光魷魚中間爆糕。-🔸茶碗蒸-🔸刺身👉🏻北寄貝醋物·水雲·唇菜👉🏻鰹魚tataki 薑蔥 初鰹魚厚切鰹魚上面放咗芽蔥，好香。👉🏻煮八爪魚·山椒葉八爪魚唔算好腍，山椒葉有種特別嘅麻香味。🔸一道季節料理👉🏻燒美國牛🐮肉汁好多，燒汁甜甜地，牛扒唔算好嫩不過牛味尚算濃郁！🔸壽司🍣👉🏻左口魚·左口魚邊左口魚係我大愛，油份超級充足，好少會整得唔好食🤣👉🏻手釣池魚有油份香味。👉🏻泥漿烏賊勁有膠質，而且夠凍成個口感好正！👉🏻吞拿魚醬油漬好厚身，咬落去有口感。👉🏻釗拖羅接近入口即溶嘅口感，超好味！👉🏻卷物太刀魚卷櫻花蝦，魚皮燒過所以油脂勁香，櫻花蝦脆脆哋，所以口感好正。👉🏻立魚濃湯呈奶白色，魚味勁香勁濃郁！👉🏻甜品焙茶雪糕配日本士多啤梨焙茶口味其實都係好穩陣嘅一樣嘢，呢個就好濃郁好好味。士多啤梨夠甜，不過都可能季尾，果香可以再濃啲。