影片
更多
2023-12-25
29 瀏覽
🥟 點心到 (鴻星大廈) (油麻地)📍入到去就qr code 落單，不過比較得意嘅係，佢唔使揀飲咩茶，張張枱都會有個熱水壺裝住茶🫖。🍴炭燒山楂鴨絲包 $28 呢個一上到嚟就見到黑鼆鼆◼️，好似煤炭屎鬼咁。食落好得意，黑色嗰層好似菠蘿包個皮咁，外脆內軟，麵包本身都好軟熟 😋，入面嘅餡有啲似叉燒包。🍴金沙脆皮銀蘿腸 $28 呢款點心好特別🌟，就係腸粉包住蘿蔔絲酥，入邊仲食到一條條嘅蘿蔔絲🥕。🍴沙律明蝦角 $28 上到嚟就見到佢金黃色，脹卜卜咁樣，一口咬開👅，全部都係蝦肉 🦐，勁滿足😍。🍴蝦餃（2粒） $16 + 燒賣（2粒） $15 燒賣同埋蝦餃就係平時正常飲茶質素，但佢真係勁好👍🏻，可以叫兩粒，唔使叫足四粒，同時價錢亦都冇貴咗🤑。🍴濃湯鮮竹卷 $28 嗰濃湯好濃郁，味道有啲似華御結個豆乳雞湯🍲，好暖胃之餘，入邊仲有三條鮮竹卷🍄。🥇今餐MVP: 炭燒山楂鴨絲包真係好適合兩個人去飲落，唔驚要硬食晒四粒，挨住啲quota😂。
入到去就qr code 落單，不過比較得意嘅係，佢唔使揀飲咩茶，張張枱都會有個熱水壺裝住茶🫖。
🍴炭燒山楂鴨絲包 $28
呢個一上到嚟就見到黑鼆鼆◼️，好似煤炭屎鬼咁。食落好得意，黑色嗰層好似菠蘿包個皮咁，外脆內軟，麵包本身都好軟熟 😋，入面嘅餡有啲似叉燒包。
🍴金沙脆皮銀蘿腸 $28
呢款點心好特別🌟，就係腸粉包住蘿蔔絲酥，入邊仲食到一條條嘅蘿蔔絲🥕。
🍴沙律明蝦角 $28
上到嚟就見到佢金黃色，脹卜卜咁樣，一口咬開👅，全部都係蝦肉 🦐，勁滿足😍。
🍴蝦餃（2粒） $16 + 燒賣（2粒） $15
燒賣同埋蝦餃就係平時正常飲茶質素，但佢真係勁好👍🏻，可以叫兩粒，唔使叫足四粒，同時價錢亦都冇貴咗🤑。
🍴濃湯鮮竹卷 $28
嗰濃湯好濃郁，味道有啲似華御結個豆乳雞湯🍲，好暖胃之餘，入邊仲有三條鮮竹卷🍄。
🥇今餐MVP: 炭燒山楂鴨絲包
真係好適合兩個人去飲落，唔驚要硬食晒四粒，挨住啲quota😂。
張貼
