影片
更多
2020-08-28
962 瀏覽
據說呢間韓國餐廳連韓國領事都推介，於是嚟試吓。叫左兩個set lunch，泡菜豬肉豆腐湯，同埋炆牛肋骨。仲要專登冇食早餐就過嚟，諗住可以食個滿足。入到餐廳是全部waiter都係大媽，餐廳裝修有啲舊，疫情底下雖然有間開顧客座，但環境都唔算乾淨。枱底仍然見到好多污跡，平心而論真係唔算好企理。上菜都算幾快，諗住泡菜豬肉豆腐湯實冇死喇，點知真係難食到嘔，係好肚餓嘅情況下都覺得好難食。真心講真係糟蹋左啲食物。泡菜勁酸，搞到啲湯好酸，基本上仲要唔係湯，好結身，似汁多啲，完全冇可能撈飯食，又酸又鹹，超級唔開胃。豬肉仲要得10粒左右，每粒大概手指尾第一節咁大，即係同冇差唔多。豬肉咬落去係散既，完全唔知自己食緊乜。仲有個豆腐，好明顯係街市買$5一磚嗰啲硬豆腐，完全唔滑，搞到勁冇食慾。前菜有一個蛋卷，普普通通，菠菜冇乜味，稱唔上好食。個泡菜係超酸，我食過大部份韓國餐廳嘅泡菜都唔會係咁酸既，真係完全唔對胃口。個牛肋骨就好啲嘅，都算林身。本身叫嘅時候諗住係冇湯有啲汁㗎啦，點知上到黎係有湯冇汁。個湯係好甜，不過嗰種甜法係好明顯落好多糖，完全唔係有肉或者蔬果鮮味嘅甜味。比起豬肉豆腐湯，呢個算係好食啲，但如果一間出
仲要專登冇食早餐就過嚟，諗住可以食個滿足。
入到餐廳是全部waiter都係大媽，餐廳裝修有啲舊，疫情底下雖然有間開顧客座，但環境都唔算乾淨。枱底仍然見到好多污跡，平心而論真係唔算好企理。
上菜都算幾快，諗住泡菜豬肉豆腐湯實冇死喇，點知真係難食到嘔，係好肚餓嘅情況下都覺得好難食。真心講真係糟蹋左啲食物。泡菜勁酸，搞到啲湯好酸，基本上仲要唔係湯，好結身，似汁多啲，完全冇可能撈飯食，又酸又鹹，超級唔開胃。豬肉仲要得10粒左右，每粒大概手指尾第一節咁大，即係同冇差唔多。豬肉咬落去係散既，完全唔知自己食緊乜。仲有個豆腐，好明顯係街市買$5一磚嗰啲硬豆腐，完全唔滑，搞到勁冇食慾。前菜有一個蛋卷，普普通通，菠菜冇乜味，稱唔上好食。個泡菜係超酸，我食過大部份韓國餐廳嘅泡菜都唔會係咁酸既，真係完全唔對胃口。
個牛肋骨就好啲嘅，都算林身。本身叫嘅時候諗住係冇湯有啲汁㗎啦，點知上到黎係有湯冇汁。個湯係好甜，不過嗰種甜法係好明顯落好多糖，完全唔係有肉或者蔬果鮮味嘅甜味。比起豬肉豆腐湯，呢個算係好食啲，但如果一間出名嘅韓國餐廳做出嚟嘅水準係咁嘅，老實講我自己整都好食過佢。
總結來講我真係完全唔會推薦呢間餐廳，我唔係打手。已經冇寫食評好耐，今日專登嚟寫一寫，因為呢間野實在太難食!!! 真係可一不可再，應該係我係香港食過最難食嘅韓國餐廳。食嗰啲新式嘅韓國fusion菜都好過呢間。。。。
張貼