大婆牛肉麵 (已結業)

n本人經常係呢間餐廳門口經過,亦都有比佢D圖片吸引,但每次都非常多人未有嘗試,今日終於去食左個【大婆蝦麵餐】$46連一杯凍飲,麵未到我就四圍望,竟然冇人食大婆蝦麵,個個都食其它o野....奇怪,終於一碗大婆蝦麵送到我面前,拿拿聲趁熱食,點知....超難食,先講個湯少少蕃茄味同冬陰味,絕冇蝦味...差,再試隻蝦(碗麵有三隻好似手指尾咁大o既蝦),嘩...以為食緊擦膠,一D味都冇,離晒譜.....差差,其實我已經冇晒心機食野,覺得自己中左計,但點都要食架,好彩個麵還可以,應該係蛋麵,口感同質感都好好,本來已經諗住冇下次,但個麵令我覺得可以再試一次第二種麵,我今次中左大婆蝦麵計,下次試完再講過....