Muse Furniture Lab (裝修中)

呢間餐廳位於元朗八鄉上村附近，因為我地weekend去，驚冇位所以預先訂左位🫶我地一人點左一份Share，其中我地最鍾意嘅係煙燻火腿法式可麗餅。餅皮軟熟和帶有微微的麥香。包住椰菜絲沙拉同芝士，煙燻火腿味道鹹香，督穿蛋黃撈勻口感更creamy，好好食😋😋飲品方面，我地兩杯都係紫色飲品，用左天然的蝶豆花沖製。味道清爽之餘，用黎打卡都好靚。我果杯係無糖青檸味，而Candy果杯就係荔枝味，上有一大塊圓形嘅粉紅花瓣冰裝飾，杯底有好靚嘅紫色椰果。雖然黎呢度有少少遠，但應該都會再黎🫶我地食完仲打左好耐卡，個花園影相真係好靚而且食物和飲品都很好味。P.S. 臨走前買左兩個小食返去俾🐗食。估唔到過左2個鐘韓式辣烤雞翼和泰式炸蝦餅仲脆，仍然好好食！