Vista

營業中

休息中

女朋友生日，當然要帶佢食好嘢啦。呢間餐廳位於大樓嘅高層，俯瞰維港景色，夜晚嘅時候真係超靚㗎。呢度嘅dinner set都幾吸引。前菜方面，我哋點左薄切红蝦配蒜泥蛋黃醬、醃製洋蔥果醬及辛辣開心果，望落去真係好精緻，食落去各種醬汁都好夾，配合鮮味嘅紅蝦，好吸引。另外嘅仲點咗烤八爪魚沙拉配羅馬生菜苗、西柚油封薯仔及帕瑪火腿，八爪魚嘅口感彈牙，好正。主菜方面，我哋點咗菠菜奶酪雲吞配黒松露同埋鱈魚配白蘆筍、醃漬蔬菜及青口番茄醬。意大利雲吞醬汁好Creamy，散發啖啖黑松露嘅香氣。鱈魚都煮得好入味。最後，食埋西西里芝士開心果捲心脆餅做甜品就好滿足。