鳴橋燒肉料理 (已結業)

日式燒烤，仲要任食，係晚飯時間見到呢間，就即刻入左去 侍應放左燒烤紙，加油，開始！見到加多四十蚊可以食羊架、魚生，唔洗諗即刻加左，因為真係好肚餓 絕對無失望。冇因為任食而水準差，一樣樣樣都好新鮮，三文魚、帶子肥美鮮甜，最中意馬刀貝，竟然都可以任食！ 海鮮令人食指大動！大蝦加小小鹽已經好帶得出鮮味 熟左嘅海鮮同樣出色炸物一定要叫，有好難得可以供應嘅小甜薯 重頭戲：肉類！加四十蚊真係明智嘅決定，最中意個牛肉粒，不但燒完好juicy，流出黎嘅肉汁沾上其他食物令佢地更好食，牛嘅油脂真係最好嘅調味料 羊架任食！羊味中挺，但肉質夠滑 最後！粟米、脆玉瓜等嘅蔬菜類係驚艷！粟米唔知係預先有牛油上左定係牛肉粒燒出黎嘅油脂沾左上去，好甜好香！脆肉瓜加少少鹽燒一燒佢即刻勁juicy，唔洗成晚都比肉包圍嘅，蔬菜類都好值得叫！