小小串 (已結業)

早兩日經過食街試過呢度嘅串燒今日忍唔住要再嚟，上次食咗雞軟骨丶雞肉丶墨魚咀丶安格斯牛柳粒呢啲穩陣嘢，超級有水準，今次老闆娘話佢哋有新產品，所以對佢嘅推介非常有信心！我叫咗蜜糖雞翼，同埋一個自選套餐，我揀咗芝士玉子丶黃金麻吉燒同埋芝士蝦球。燒雞翼嘅時候，未送到我面前已經聞到超香嘅燒雞翼味，蜜糖雞翼燒得啱啱好另外自選套餐嘅三款食物之前我都係未食過嘅，玉子中間有芝士配合埋脹卜卜嘅麻吉燒同埋啲芝士會爆出黎嘅蝦球，原來係咁夾嘅總括嚟講，呢間小店連續兩次都有驚喜，最重要係我今日夜晚九點幾先嚟，當西貢食街九成鋪頭已經閂晒，佢哋仲開，真係不失為一個食宵夜嘅好地方