影片
更多
2022-08-11
265 瀏覽
Hibiki啲和牛同刺身真係超新鮮！刺身拼盤有我最鍾意食嘅北寄貝、帶子，而老公好鍾意食嘅三文魚刺身都好肥美好大件！因為我哋兩個都唔食生蠔，所以我哋直接攞咗啲生蠔落去燒，燒完仲係好Juicy同好鮮味～燒肉拼盤入面有八款肉類，包括咗豬、牛、雞，我最鍾意食美國牛肋骨同澳洲和牛胸腹，肉味好濃，肉質同口感都非常好！和牛唔需要燒好耐，輕輕將兩邊燒熟，保留返少少粉紅色，咁係最軟嫩最好味㗎！其次呢度嘅菠蘿都好甜好香，和牛食到一半會開始覺得有少少膩，呢個時候點一片菠蘿嚟燒就最好不過～之後我哋仲額外點左三文魚刺身、雞皮串同埋一口澳洲和牛粒，好鍾意食燒到脆卜卜嘅雞皮呀！但當然呢個都係要靠撞彩燒得咁好啦～一口澳洲和牛粒比較厚身，肉味都好濃郁，但我比較喜歡薄切嘅和牛多啲～每次食放題都必點嘅紫芋圓、榴槤炸彈、芝士年糕，喺呢度都要各點一粒試吓味！佢個榴連炸彈嘅榴槤味真係好香濃！！勁正呀～～紫芋圓同芝士年糕個皮好煙韌，yummy🫶🏻呢度嘅肉類、飲品、前菜、雪糕都係無限任添嘅～但我哋好珍惜食物，點足夠份量就夠，連一塊伴碟嘅茄子都冇浪費～最後見個肚仲有少少位食甜品，就叫咗Dreyers嘅甜筒同Movenpick雪糕，剛剛
Hibiki啲和牛同刺身真係超新鮮！刺身拼盤有我最鍾意食嘅北寄貝、帶子，
而老公好鍾意食嘅三文魚刺身都好肥美好大件！
因為我哋兩個都唔食生蠔，所以我哋直接攞咗啲生蠔落去燒，燒完仲係好Juicy同好鮮味～
燒肉拼盤入面有八款肉類，包括咗豬、牛、雞，我最鍾意食美國牛肋骨同澳洲和牛胸腹，
肉味好濃，肉質同口感都非常好！
和牛唔需要燒好耐，輕輕將兩邊燒熟，保留返少少粉紅色，咁係最軟嫩最好味㗎！
其次呢度嘅菠蘿都好甜好香，和牛食到一半會開始覺得有少少膩，呢個時候點一片菠蘿嚟燒就最好不過～
之後我哋仲額外點左三文魚刺身、雞皮串同埋一口澳洲和牛粒，好鍾意食燒到脆卜卜嘅雞皮呀！
但當然呢個都係要靠撞彩燒得咁好啦～
一口澳洲和牛粒比較厚身，肉味都好濃郁，但我比較喜歡薄切嘅和牛多啲～
每次食放題都必點嘅紫芋圓、榴槤炸彈、芝士年糕，喺呢度都要各點一粒試吓味！
佢個榴連炸彈嘅榴槤味真係好香濃！！勁正呀～～紫芋圓同芝士年糕個皮好煙韌，yummy🫶🏻
呢度嘅肉類、飲品、前菜、雪糕都係無限任添嘅～
但我哋好珍惜食物，
點足夠份量就夠，
連一塊伴碟嘅茄子都冇浪費～
最後見個肚仲有少少位食甜品，
就叫咗Dreyers嘅甜筒同Movenpick雪糕，
剛剛好就是最好～
張貼
