聚友小廚

營業中

休息中

呢日同屋企人去咗石門呢間餐廳食dinner，餐廳好熱鬧，好有氣氛。打開餐牌，見到餐廳有好多好吸引嘅小菜。我哋見到今日有個晚飯孖寶都幾吸引，就點咗孖寶A餐。呢個油浸筍殼魚超級好食，筍殼魚拎咗去咋，外皮非常香脆，咬落去索索聲，入面啲魚肉好嫩滑。另外仲有呢個油鹽水浸花甲，花甲好新鮮，粒粒都好多肉。蔬菜方面，點咗呢個瑤柱扒豆苗，豆苗非常鮮嫩，上面鋪上醬汁同埋滿滿嘅瑤柱，健康又好味。呢幾道菜撈飯食都好正，下次要再嚟encore ！