影片
更多
2023-01-02
1150 瀏覽
想講呢間喺旺角通菜街嘅點心專門店一直都係我bookmark咗但未有機會去食嘅餐廳🤣成日經過都想食，但兩個人又食唔到啲咩，一班人嘅時候又唔會係食點心🤣難得呢次除夕同班朋友喺旺角嗰邊staycation完，第二朝諗食咩😗諗諗吓就諗起呢間！😝終於有機會食到啦😍成日聽人講呢間點心好高質～原來係真！🥰😍我哋呢次中午6個人去食，個姐姐仲要好好人咁每樣野幫我哋剪開6份🥹🫶🏻服務100分！🐮牛肉世家點心推介🐮👈🏻呢個係店特別推介嘅系列～🌟乾蒸牛肉燒賣皇 $32 (3.23/5)呢個分數純粹係因為我麻麻地牛肉球呢樣野🤣而呢個燒賣就完全係燒賣形狀嘅牛肉球🫣😂我諗鍾意食牛肉球嘅朋友會鍾意～塊燒賣皮好薄，牛肉都好彈牙😉🌟脆皮沙嗲牛肉包 $30 (3.5/5)外皮炸得金黃色😍炸皮好脆好薄！不過內餡方面同朋友都一致覺得有啲說不出嘅感覺🤣唔似沙嗲牛肉，反而有啲似九龍城牛肉餅嗰隻！不過就唔夠肉汁，食落有啲乾～🌟香滑免治牛肉腸粉 $30 (3/5)比起一般酒樓嘅牛肉腸，佢呢間啲皮厚度做得啱啱好，而且好足料，每一舊都塞滿牛肉餡！唔會好似平時酒樓咁厚皮+個餡完全唔平均分配🤣不過呢個就比較淡味～🌟粟米煎牛餅 $28 (4/5
🐮牛肉世家點心推介🐮👈🏻呢個係店特別推介嘅系列～
🌟乾蒸牛肉燒賣皇 $32 (3.23/5)
呢個分數純粹係因為我麻麻地牛肉球呢樣野🤣而呢個燒賣就完全係燒賣形狀嘅牛肉球🫣😂我諗鍾意食牛肉球嘅朋友會鍾意～塊燒賣皮好薄，牛肉都好彈牙😉
🌟脆皮沙嗲牛肉包 $30 (3.5/5)
外皮炸得金黃色😍炸皮好脆好薄！不過內餡方面同朋友都一致覺得有啲說不出嘅感覺🤣唔似沙嗲牛肉，反而有啲似九龍城牛肉餅嗰隻！不過就唔夠肉汁，食落有啲乾～
🌟香滑免治牛肉腸粉 $30 (3/5)
比起一般酒樓嘅牛肉腸，佢呢間啲皮厚度做得啱啱好，而且好足料，每一舊都塞滿牛肉餡！唔會好似平時酒樓咁厚皮+個餡完全唔平均分配🤣不過呢個就比較淡味～
🌟粟米煎牛餅 $28 (4/5)
呢個好食喎！😍同樣炸到金黃色，外面層炸皮好脆好薄，咬落去熱辣辣😍真係啱啱炸起！牛肉好彈牙，加上粟米嘅口感成件事好match😛
🌟晶瑩鮮蝦餃 $35 (4/5)
蝦餃大大粒，個皮算薄同好煙韌☺️裡面好足料，有大大隻蝦🦐，仲要有汁！juicy㗎！🥹
🌟名醬蒸美國鳳爪 $24 (4/5)
美國鳳爪真係好食啲😆佢呢個鳳爪隻隻都好大舊好肥美🥰
🌟古法馬拉糕 $26 (3.89/5)
馬拉糕都做得好出色😋好鬆軟好fluffy~食落有空氣感😌唔會好飽好濟，仲要甜度適中☺️
🌟竹炭熔岩流奶皇包 $26 (2.72/5)
身為流沙奶黃包愛好者嘅我🥹對呢個點心有啲失望🥺包體較多，meet開兩邊都冇爆餡嘅感覺，仲要唔知點解啲餡嘅顏色怪怪地，望落似粟米忌廉湯😂好稀咁，而唔係鹹蛋黃嗰啲金黃色🙁不過食落都有椰汁味嘅，但鹹蛋黃味就冇啦，同埋做唔到沙沙嘅感覺🥺
🌟蔥花炸兩腸粉 $26 (5/5)
呢個真係成餐飯嘅MVP😍😍佢應該係我食過最好食嘅炸兩😭❤️首先佢嘅豉油甜醬花生醬落得好足😝每啖都係醬汁嘅香味😋然後！佢裡面嘅油炸鬼係好超級無敵脆🥺😭😭😭😭咬落去sharp sharp聲，好爽脆的🥺完全唔會有平時食嗰種油炸鬼淋咗/煙韌感，超驚艷😍必食呀！😍
🌟鳳尾蝦香辣鹹水角 $28 (2.89/5)
呢個鹹水角唔同嘅地方就係佢有蝦尾喺後面🤣不過蝦肉好少，而且我覺得個皮太厚～同埋冇乜辣味～呢個就不過不失啦😗
🌟芥末沙汁三文魚春卷 $32 (3/5)
見到芥末醬汁滿瀉咁就覺得超吸引😍啱啱炸起所以超熱的😂真係會焫親嘴🤣春卷皮炸得好脆，裡面芥末汁好濃好香，裏面有青瓜同三文魚，不過三文魚份量好少，而且因為俾芥末汁嘅味覆蓋左，所以唔係太食得出三文魚嘅存在😳但仍然都係好食嘅～
🌟酥皮焗叉燒包 $29 (3.89/5)
佢其實即係雪山叉燒包🤤🤤我不嬲都好鍾意食呢樣點心😛酥皮外皮做得好脆，甜甜地好好味☺️不過叉燒部份就不過不失，醬汁唔夠香濃，同埋冇乜色澤🫣
🌟XO醬炒蘿蔔糕 $39 (3.5/5)
呢碟野最開心嘅地方係好多好多芽菜🥰😍XO醬味唔算好濃，蘿蔔糕切到一嚿嚿正方形咁～食落幾好，唔會覺得好厚粉，蘿蔔分量都好足夠😋不過就覺得落得太多油🙁食落感覺有啲肥膩🥺
🌟芒果布甸 $21 (2.78/5)
朋友堅持死都要嗌😂😂😂上枱嘅時候嚇親我，因為佢係鮮橙色😂😂😂唔知點解芒果布甸會係鮮橙色，好似好人工咁😮😂不過食落又冇野，而且都有芒果肉～佢仲有一兜花奶俾你自己落😚花奶先係芒果布甸嘅精髓😝不過呢個價錢我覺得唔使試😂叫多個點心好過～
Overall覺得呢間點心專門店真心高質🥰尤其係佢所有炸物都做得好出色❤️😍不過就真係要多人叫先可以食多啲嘢，叫到成枱野除返開都係70幾蚊一個人🥺💜超抵！同埋記得一定要食個蔥花炸兩腸份！！🫶🏻😋真係世界級嘅正！🥺
加一服務費：$6茶芥/head
回頭率：❤️❤️❤️❤️❤️ (5個❤️為滿分)
📍地址：喜惶點心專門店 (旺角)
旺角通菜街17號地下
張貼
