四爺車仔麵專門店 (已結業)

今日尼左四爺食lunch，雖然人好多，不過間鋪好大仲有上層，所以都唔洗點等就有得入。湯底有出面比較少見嘅皮蛋芫茜湯，依個湯不得了，個湯底好甜仲好有芫茜味，中意茜嘅一定要叫。有好多餸可以選，最後選咗瑞士雞翼($13)、麻辣牛肚($15)、韮菜豬紅($13)。個雞翼勁入味，絶對唔係得皮有味/色個啲。牛肚個汁好野味，都幾辣，中意食辣嘅人會好中意。比較下豬紅就普通啲啲啦。朋友話佢嘅咖哩魷魚同豬腩仔都好好味，下次再試！