Sodam Chicken (已結業)

最近迷上左睇韓劇突然好想食炸雞就同老公去咗食炸雞放題，任食炸雞+pizza都只係$128一位喳，不過我哋今次就加多$20選擇可以食炸雞+焗雞+Pizza+小食放題仲可以食足90分鐘添，真係超級抵食啊！啲炸雞全部都係冇骨嫁，食落啖啖肉，而且肉質好嫩滑唔會覺得鞋口仲好多肉汁添。咁多隻炸雞之中我自己就最鍾意蜜糖芥茉香蔥炸雞，同埋檸檬有子炸雞。焗雞方面我就鍾意韓風紫菜焗雞同黃金鹹蛋，如果你食得辣嘅話絕對推介噴火辣焗雞因為真係非常辣，連我老公食得辣都話辣得非常過癮！不過佢個Pizza我地就覺得麻麻地可以唔食都得，小食方面啲薯條食落都好香脆，另外個韓式酸蘿蔔配埋啲炸雞可以減低油膩感食完非常開胃。呢間炸雞店鋪嘅CP食真係超高啊，如果鍾意食炸雞絕對推介大家可以黎試吓。