Starry Night (已結業)

最近黎多左大角咀呢邊，原因之一係離唔開個食字。同埋之前經過時都留意到呢間餐廳，燈光暗暗地，而加上starry night 呢個名好好有共鳴，就黎試下。裏面既裝潢好特別，我覺得最有印象係用水喉管裝既牆燈，啟發我唔應該俾物件本身規範，令我食野之外既時間都輕鬆下。大家黎到都可以留意下。兩個人黎，先叫左個辣肉腸長通粉，食落少少酸，汁唔係好稀，似醬既質地，有芝士味。而長通粉煮到好煙韌，正好適合做第一道菜，幾開胃。入面有唔少雞肉同辣肉腸。另外，好少見到餐牌改個名叫肉厚多汁豬扒，於是就決定試下。之前都有自己煎過扒食，要控制好煎既時間係好緊要。豬扒黎到味道好香，望住都流晒口水，色澤好好，真係好厚！切開時已經見到肉汁留出黎，再睇睇整塊肉咁厚都可以係煎到剛剛好熟透，勁！而口感方面，因為煎過，外面有焦香味，入面好淋，非常JUICY！未食過甘淋甘juicy既豬扒！連埋層薄薄脂肪食，食完整塊扒我都唔覺油。我認為唔點醬汁可以食返出豬肉本身味道，已經好夠味。呢塊扒好正！！果然無改錯名！粟米加埋個汁都好甜好好食，薯蓉好creamy!食埋呢兩樣已經有的飽。今晚好驚喜食左塊靚豬扒，超好味！大家黎到一定要試！