俊軒越南餐廳

營業中

休息中

下午茶時段，除咗有下午茶套餐之外，餐牌其他菜式都會有折扣。唯獨越南包，疑似老闆話因為佢哋個包成本貴，所以冇折扣。鵝肝醬三色扎肉法包 - 最深刻就係個法包，確實真係焗到外脆內軟，非常好食！👍🏻 裏面所用嘅材料味道亦互相balance，唔會有某一種材料特別出眾。凍越南咖啡 - 極度失望，味道似即溶白咖啡加冰…冇乜咖啡味，絕對可以用難飲去形容，請店主留意下。餐牌上有好多選擇，配合埋折扣，個人認為喺中環區都算係抵食。