火五越式牛肉粉專門店 (清風街) (已結業)

要數香港嘅食街又點少得天后嘅清風街呢？短短嘅一條街，已經有成10幾間特色餐廳，所以今日嚟到，好多野都想食呀！不過見到呢間由太子開到過嚟天后，新開嘅火五越式牛肉粉專門店。呢度嘅價錢唔貴，幾10蚊就有一碗粉，好吸引呀！火五特色鳳爪餐牌話呢個鳳爪會有少少辣，但食落又唔覺喎。反而個醬汁有少少偏鹹。不過，因為冰冰凍凍咁，好開胃。手作大蝦米紙卷即叫即整，所以等得耐少少，米紙卷入面有檬粉絲、蘿蔔絲同青瓜絲，大蝦唔算大隻，但口感一流，加上魚露汁，好好味。香茅雞翼雞翼偏細隻，但勝在外皮夠香脆，而且香茅味濃郁。火五火車頭牛肉檬火五火車頭牛肉粉真係好抵食，材料超豐富，有生牛肉、熟牛肉、牛丸、扎肉等等。而湯底當然係食Pho嘅重中之中啦！試啖佢個湯，就感受到佢係加入咗大量牛骨同香料，味道濃香，但如果個湯可以再熱啲就更加高分。浸熟咗嘅生熟牛肉，好嫩滑呀！而粉底仲可以免費加底，好抵食。法式咖喱牛肋撈檬上枱真係哇一聲！牛肋嘅粉量超多！牛肋好軟腍，夠入味。而咖喱汁好多，每條檬粉都上晒汁，好味。（記住Like同Share畀朋友）By A姐M佬 玩樂日記 www.aandmdiary.com