越味皇 (已結業)

荃灣街的這條街有很多食店各適其適 ，今次約朋友嚟到呢間越味皇餐廳主打越南食品， 餐廳面積不算大卻很有越南風味，單看天花板嘅越南帽子再加上牆上嘅壁畫很有特色。餐廳食物以越南食品為主，種類多，價錢大眾化不是十分貴。炸椒鹽軟殼蟹 朋友鍾意食軟殼蟹，所以特別叫了一碟來品嚐，軟殼蟹外層酥脆內軟，炸的程度剛好不會太燶，肉質鮮甜有咬口，加上椒鹽提升了濃郁惹味。燒雞肉串燒 雖然望落去乾爭爭，但咬落去又是兩回事，雞肉嫩滑有咬口，烤至熟度剛好，不錯。燒蝦串燒蝦肉爽口彈牙，蝦膏香味濃郁，加上調味醬汁，提升了蝦鮮味。河內蒸粉包粉包表皮係腸粉皮，幾嫩滑， 餡料則是肉碎，不錯。蕃茄蟹頭膏湯檬粉睇見佢鮮紅嘅湯底仲以為係辣椒， 其實係濃濃嘅蕃茄甜湯， 當中還有蟹膏，更加惹味。飲品也不是很貴，一杯龍眼冰或者紅豆冰或者係珍多冰係28蚊一杯，大眾化價錢。整體食物味道唔錯，大眾化價錢確係食得過。