越滿 (已結業)

凍冰冰去食飯，之前都有飲過呢間越南菜，點知而家新出左越南雞煲，就叫個2人份量試下。雞件數量都幾多，有勁多越式香料。雞件香辣惹味，同一般雞煲唔同，多左越式香茅、九層塔等香料，味道更有層次。雞脾菇新鮮，吸收左辣汁香料的精華，一入口已經刺激味蕾。我地另外叫左個豬頸肉菠蘿炒飯，豬頸肉燒得幾香口，炒飯粒粒分明，唯菠蘿份量較少。扎肉金邊湯粉，扎肉唔會好粗糙，扎肉同金邊粉都幾爽口，湯頭清清地可平衡返剛才食的辣雞煲味道。推薦蔗蝦棒，蝦丸炸至脆身，包係蔗棒外。蝦丸爽口彈牙，好惹味~青檸梳打，梳打另上有誠意！個人覺得2人份雞煲幾抵食唯馬拉盞通菜略微唔夠味，比較清淡