影片
更多
2023-10-24
74 瀏覽
Lúa@東角道經常行過銅鑼灣，都冇為意世貿附近有間咁靚嘅餐廳。呢間雙層既越式餐廳，絕對可以作為一個打卡熱點。成間餐廳都有着濃厚嘅越南風情，環境闊落舒服配搭唔少越南特色物品嘅佈置，喺陽台中佈滿七彩繽紛嘅燈籠，令人好似置身係越南會安既燈會。每逢週末仲會有駐場Live Band既表演，帶比客人一個放鬆既環境。除咗環境，佢嘅Menu比一般越南餐廳獨特，可惜食物方面我哋都細食就試唔到太多嘢~🍹The Screwdriver 呢間餐廳其中一個特點係佢有好多唔同種類嘅Cocktail提供。我哋就試咗其中一種，佢嘅酒味就唔算特別重，所以算係好易入口。飲落反而係果味出啲清新啲，所以要小心不知不覺飲得太多。🍜豬湯檬 呢個湯檬入邊有齊各種唔同嘅豬肉配料，例如有豬扎肉、豬耳扎肉、炸豬扎肉、豬肋骨、豬肉丸同豬肉碎。材料夠曬豐富，食落夠晒飽肚。湯底唔算好濃，但就好有蒜香味。🍲生牛肉雜錦湯河佢嘅湯底好濃同埋冇乜味精嘅感覺，牛肉生熟程度啱啱好、好嫩口，入便都有多種牛肉配料，包括牛腩、牛柏葉、牛肉丸等等，俾你一次過試晒唔同嘅味道。🍡自選串燒拼盤串燒拼盤可以俾你自由選擇唔同嘅越南風味串燒，我地就揀咗牛丸、豬腩肉、自制牛扎
經常行過銅鑼灣，都冇為意世貿附近有間咁靚嘅餐廳。呢間雙層既越式餐廳，絕對可以作為一個打卡熱點。成間餐廳都有着濃厚嘅越南風情，環境闊落舒服配搭唔少越南特色物品嘅佈置，喺陽台中佈滿七彩繽紛嘅燈籠，令人好似置身係越南會安既燈會。每逢週末仲會有駐場Live Band既表演，帶比客人一個放鬆既環境。
除咗環境，佢嘅Menu比一般越南餐廳獨特，可惜食物方面我哋都細食就試唔到太多嘢~
🍹The Screwdriver
呢間餐廳其中一個特點係佢有好多唔同種類嘅Cocktail提供。我哋就試咗其中一種，佢嘅酒味就唔算特別重，所以算係好易入口。飲落反而係果味出啲清新啲，所以要小心不知不覺飲得太多。
🍜豬湯檬
呢個湯檬入邊有齊各種唔同嘅豬肉配料，例如有豬扎肉、豬耳扎肉、炸豬扎肉、豬肋骨、豬肉丸同豬肉碎。材料夠曬豐富，食落夠晒飽肚。湯底唔算好濃，但就好有蒜香味。
🍲生牛肉雜錦湯河
佢嘅湯底好濃同埋冇乜味精嘅感覺，牛肉生熟程度啱啱好、好嫩口，入便都有多種牛肉配料，包括牛腩、牛柏葉、牛肉丸等等，俾你一次過試晒唔同嘅味道。
🍡自選串燒拼盤
串燒拼盤可以俾你自由選擇唔同嘅越南風味串燒，我地就揀咗牛丸、豬腩肉、自制牛扎肉、菠蘿串燒、粟米。另外仲可以加錢叫埋其他特色串燒，我哋就加＄18要咗個越南墨魚串。亦都十分推介大家試吓越南墨魚串，每一舊墨魚都好大，彈牙得黎又唔會太韌。
聽講佢哋嘅沙冰系列夏日特飲亦都非常有驚喜，下次嚟嘅時候可以試試。
The Screwdriver
2 瀏覽
0 讚好
0 留言
豬湯檬
2 瀏覽
0 讚好
0 留言
生牛肉雜錦湯河
8 瀏覽
0 讚好
0 留言
串燒拼盤
6 瀏覽
0 讚好
0 留言
張貼
