越蘆越南牛肉粉

營業中

休息中

已是第二次光顧了，朋友講這間鋪已開業很多年，只是近年重新裝修過。店子以海藍色調為主，落地玻璃，樓頂高還掛有吊扇很，光線很充足，座位也濶落整體很舒適。講返食物先，我點了香茅朱扒金邊粉+凍咸檸7 ，朱扒都幾鬼厚，仲炸得好香，碗粉不過不失，但我最鐘意係佢自動跟埋辣椒同青檸，仲有九層塔，咁先正宗嘛，好多都唔跟架。杯咸檸7仲有青檸同檸檬响入面，都幾好飲。朋友就食生牛河，佢話牛肉雖𣎴是最上等果種，但就很新鮮同有口感，而佢飲熱菜蜜仲有片檸檬添，佢話不是死甜同水汪汪果種，另外朋友加左份蒸粉包，粉包面有片扎肉，我夾左黎食，正喎，唔係坊間果種乜都無既扎肉，係好正宗果種，好有口感。$56-68一個餐，有粉有飯仲包一杯熱飲，可加錢選加一份小食個人認為呢度相當抵食同味道唔差，，無論小食及主食，份量也𣎴少，值得推介，臨走時見到有人食咖哩牛腩飯，估唔到咁大碗牛腩，下次一定要試試。