又一間餐室 (已結業)

有一段時間我早午下晚四餐都去幫襯，但自從裝修後真係越嚟越唔掂，之前都已經質素唔穩定㗎啦，現在仲越嚟越差，經常出錯單，叫後起餐飲返而最早起，午餐已係set上，晚上小炒都轉哂做set，咁我不如去其他茶餐廳好過。今早再去，叫左C餐豬扒配太陽疍多士，走汁，嚟到基本上無錯，但又少左注沙律菜，以前都試過兩、三次無沙律菜，一直以為當日無入菜或菜用哂，但今次俾我見到侍應另外隻手嗰兩碟係有沙律菜嘅，我問點解我無，佢話可能俾流左，你要唔要我補返俾你，我梗係話要啦，佢話轉頭俾我，轉頭轉到我埋單走人佢都冇左件事。