囍越 (屯門市廣場) (已結業)

今天的氣溫有三十多度，炎炎天氣不想屈響廚房對住個火，我和hubby尋味去。今天試試屯門的越南菜。這餐廳比較causal 同感覺年輕，湯粉由48-78不等，而小食則由28-88不等，走大眾化路線。火車頭（68）：有牛柏葉，牛筋，牛腩片，牛丸和生牛肉等。牛肉唔會太肥，嫩口；牛腩片過瘦，有點韌；牛筋好淋；牛丸ok彈牙。湯底：清澈有清甜的味道，唔會太油。唯蘿蔔已壞，有酸醙味。小食拼盤（88）：豬肉濱海，春卷，扎肉每款三件加木瓜沙律。豬肉濱海：豬肉有肉味唔乾，味道濃郁配上魚露蝦片，囗感豐富；春卷：以素菜和香料為主，同樣香脆可口，唔覺油膩；扎肉：扎肉質地q彈，有肉味。馬拉盞通菜： 夠火侯，通菜嫩又夠入味，唔太咸或辣。蜜糖蘆薈：甜甜地，好潤喉，似飮蜜糖多D。以越棧的價錢有這樣ok的味道，認真不錯！