越滿 (已結業)

突然好想食越菜、好想食牛油雞翼，就黎左越滿。裝修風格以綠色為主調、彩磚襯托。另一幅牆有越南妹妹Q版畫，營造歡欣環境。二人晚餐A餐有牛油雞翼，就選佢啦。生牛肉河粉：牛肉同河粉份量都幾多，影得太耐嘅關係熟晒。豬耳扎肉河：5塊扎肉、扎肉入面釀左豬耳同調味料，惹味而且特別有咬口。炒芥蘭苗： 炒得非常入味，蒜香味勁濃郁。小食拼盤五選三（牛油雞翼、牛展、河內魚餅）牛油雞翼外皮雖厚，但牛油味香，肉都幾juicy。魚餅內有馬蹄好脆口，脆皮彈牙。燒原條烏頭魚 $98魚肚塞滿全部香料。蔥、薑、香茅，香氣滿滿。烏頭魚無多餘嘅碎骨，啖啖肉，肉質彈牙。酸梅梳打、薄荷梳打俾一罐你慢慢斟黎飲。