傷心酸辣粉 (科學館道) (已結業)

未試過尖東分店，今日就黎呢度食啦。上到去，得幾枱客，好靜局下，一入門口就示意可以坐卡坐。次次都係食二人套餐，今次食下一人餐先。都已經成點鐘，廢事食二人餐咁飽。酸辣粉bb辣，食落完全唔辣，亦唔酸，同其他分店味道差好遠。酸辣粉走辣，湯底無味，紅薯粉不仍硬身，真係幾難食下。口水雞，一人份細好多，雪櫃味，汁不辣，雞亦無味。鹵水併盤，有啲鹹味，但有啲苦味，怪怪地，唔好食。凍檸茶，一杯正常一杯走甜。全餐最好嘅野，有茶味有檸味囉，上次食個間分店杯檸茶成杯泥水咁。兩個一人餐加埋比二人餐平三十幾蚊，但份量少啲又無左青瓜，計落無咁抵喎，不過呢間分店咁唔掂，應該唔會再黎了。