越北牛肉粉專門店

營業中

休息中

朋友話想食生牛肉河，甘我哋就揾左一間越南菜 — 越北。舖頭裝修好雅致同乾淨，卡位同四人方枱比例大概五十五十，我哋比較早到，所以好彩有超舒服卡位！見到餐牌嘅一人combo大概$86至$92，包一款麵食、一款小食同一杯飲品，都算幾抵又啱食就叫咗兩個餐。越北生牛肉牛腩片湯粉（$90套餐）有生牛肉片同牛腩片兩款肉，生牛肉喺熱湯入面輕輕灼熟，入口好軟嫩，蘸是拉差辣醬食就更加惹味！香濃湯底配上青辣椒同青檸，感覺更清新！峴港蝦頭膏酸辣海鮮湯檬（$92 套餐）配料有青口、蜆、墨魚仔同腸仔，酸辣湯底入口幾鮮甜，比我想像中辣，但啱晒重口味同鐘意刺激辣味嘅朋友。