圓鐵板燒

營業中

休息中

幫襯左咁多年，一路都鍾意個牛肉片餐，雖然次次發揮都唔穩定，但一路都心懷包容。2013.12.31帶d朋友去食lunch，所有平餐全部停晒牌，只可以叫貴餐，食晏架咋！咁都算喇，個鯖魚同我煎到完全燶晒，問個師傅點解咁燶，死人咁答：係咁架，煎得熟就要燶架。再問咁都唔使咁燶丫嘛？答：咁我同你換過塊煎得生d喇。問：即係話黎到你地呢間食鯖魚就一定要咁燶個皮係唔食得架喇？答：差唔多喇，好難食到架。至此，我知就算同你換過，都一定會特登同你煎得生d，不如唔好玩，最多下次唔幫襯，咁個服務質素幫襯都食唔落嘢喇，祝你地早日執笠！