影片
更多
2021-12-12
1466 瀏覽
第一次食Omakase, 有朋友介紹帝逸酒店嘅日本餐廳，趁同朋友慶祝生日就係網上訂位，試一試食物質素。餐廳係頂樓，一排落地大玻璃，環境相當開揚，被安排坐係卡位，相對幽靜適合傾計。我同朋友兩個人，都係叫左價值650嘅特選壽司廚師發辦。上菜時店員都會耐心講解食物嘅配搭同食用次序。櫻花蝦沙律味道不過不失3款刺身分別為油甘魚、拖羅、牡丹蝦，食材新鮮，牡丹蝦鮮甜十足，但肉質偏軟。拖羅軟滑，但油香味不足，油甘魚魚味相對較濃。白松露蒸蛋改左做黑松露蒸蛋，蛋質軟滑，出汁鮮味，除左入面有一粒白果同一粒小柱貝，朋友不太喜歡白果的苦味，我嗰粒又唔太食到苦味。燒魚係兩件鰻魚，配上山椒粉漬物同糖漬楊梅。鰻魚燒得唔錯，不過兩件分量偏多，加上漬物同楊梅都無法解膩。面楊梅味道不討人喜歡，用處僅為清新口腔。緊接燒魚嘅係天婦羅。呢個編排，令人感覺相當有負擔，畢竟鰻魚唔係一般嘅油膩😅天婦羅有沙錐魚、萵筍、茄子、蕃薯，配上鹽同天婦羅汁。就咁望上去外層偏油唔夠乾身，食落油膩感不重，而且鬆脆。其中沙錐魚做得比較好，魚肉夠厚身外層鬆脆，內層多汁。萵筍就相對清新多汁。跟住就到7貫壽司，其中一款會用杯上。整體上非常新鮮，我個人比較喜歡
餐廳係頂樓，一排落地大玻璃，環境相當開揚，被安排坐係卡位，相對幽靜適合傾計。
我同朋友兩個人，都係叫左價值650嘅特選壽司廚師發辦。上菜時店員都會耐心講解食物嘅配搭同食用次序。
櫻花蝦沙律
34 瀏覽
3 讚好
0 留言
刺身
15 瀏覽
0 讚好
0 留言
3款刺身分別為油甘魚、拖羅、牡丹蝦，食材新鮮，牡丹蝦鮮甜十足，但肉質偏軟。拖羅軟滑，但油香味不足，油甘魚魚味相對較濃。
黑松露蒸蛋
13 瀏覽
0 讚好
0 留言
燒鰻魚
8 瀏覽
0 讚好
0 留言
燒魚係兩件鰻魚，配上山椒粉漬物同糖漬楊梅。鰻魚燒得唔錯，不過兩件分量偏多，加上漬物同楊梅都無法解膩。面楊梅味道不討人喜歡，用處僅為清新口腔。
緊接燒魚嘅係天婦羅。呢個編排，令人感覺相當有負擔，畢竟鰻魚唔係一般嘅油膩😅
天婦羅
19 瀏覽
0 讚好
0 留言
其中沙錐魚做得比較好，魚肉夠厚身外層鬆脆，內層多汁。萵筍就相對清新多汁。
壽司
8 瀏覽
1 讚好
0 留言
三文魚籽海膽壽司飯
11 瀏覽
0 讚好
0 留言
最後就係味噌湯同甜品。湯係一般湯，有一粒帶殼蜆，味道正常。
紅豆牛奶布甸
13 瀏覽
0 讚好
0 留言
店員講解仔細，食物新鮮，味道/編排上有進步空間，唯以下兩點比較影響用餐體驗。
其中一邊卡位後面就係工作櫃面，員工開櫃閂櫃，放置碗碟都會感受到震動同比較嘈吵。
另外係一開始提到經由網上訂位，引身黎嚟嘅問題。
網上訂位並未有注明用餐時間，訂位時雖然提供左手機號碼同埋電郵，不過並冇即時信息/電郵確認訂位，以及提供用餐細節/注意事項。直到用餐前一日先會收到電話，並告知用餐時間只有個半鐘，十一點半入坐，一點鐘要交檯。確實會有啲愕然，因為就算想轉地方都book唔切其他餐廳。
個半鐘食一個午餐已經係比較趕，更加唔好話有咁多道菜嘅Omakase。食到壽司嗰陣已經12:35，然後突然好趕咁上晒壽司飯、湯、飲品、甜品。
如果有餐廳相關人士睇到，希望佢地可以考慮改善一下預約流程/用餐時間安排。餐廳環境唔錯，可以有更好安排提升整體體驗。
張貼
