綠林甜品 (已結業)

我食嘅係雪糕椰汁紅豆小丸子，因為已經好夜，所以選擇咗外賣拎返屋企先食。雖然係外賣，但拎到返屋企一開，係有驚喜，兜嘢好足料，好多紅豆好多小丸子，雪糕又幫我分開裝。料又夠靚，紅豆大大粒，小丸子又有咬口，又唔會話太過甜。地方保持得都幾整潔，餐牌又乾淨，枱面又無黐笠笠，冷氣又夠，伙記態度又好。學生有折就好多地方都有，但長者同傷殘人士都有8折，喺香港嚟講就真係頗為少見，呢間嘢堅有良心。9點前外賣好似有85折。