影片
更多
2024-01-21
13 瀏覽
香港人一向鍾意打邊爐，尤其呢兩日天氣凍咗少少，又係出動扎打邊爐嘅時候！平時食開放題任食火鍋，食得太急而且環境比較嘈雜，有時都鍾意支持下私人火鍋小店～呢間火鍋店喺太子大馬路嗰頭，大廳全部都係卡位，一大班人嚟仲可以book房！餐廳嘅食材用料夠新鮮，湯底選擇多而且好足料，仲有自家魚缸，確保海鮮類即點即劏，人均價錢同連鎖都差唔多，推薦！------------------------------🐖◖招牌豬骨煲◗ $168呢個豬骨煲係佢哋招牌推薦，用咗豬筒骨同豬脊骨熬煮出嚟，都有成六大嚿骨，加入大量白胡椒，飲落辣辣地，湯底清清地，冬天飲夠晒暖胃！佢嘅豬筒骨有唔少骨髓，仲黐咗啲筋膜位置，鍾意咬骨嘅朋友仔應該超鍾意！🐂◖手切本地肥牛◗ $268叫咗一份細嘅，都唔少嘢，而且佢望落似現切牛，雪花分布得好靚，牛味香濃又唔會覺得油膩！牛肉切得都幾厚，就咁食牛味超濃，而且口感一啲都唔韌，係好滿足嘅肉感，必點！🧆◖鮮四寶丸◗ $88有墨丸、蝦丸、牛丸同豬肉丸各兩粒，乜都都可以試吓，全部水準都唔錯！入面最鍾意蝦丸同牛丸，口感夠彈牙，蝦丸仲加入咗啲蟹籽，食落去卜卜脆；牛丸好爽彈，牛味濃郁！🐖◖豬潤◗ $68豬潤拎落
------------------------------
🐖◖招牌豬骨煲◗ $168
呢個豬骨煲係佢哋招牌推薦，用咗豬筒骨同豬脊骨熬煮出嚟，都有成六大嚿骨，加入大量白胡椒，飲落辣辣地，湯底清清地，冬天飲夠晒暖胃！佢嘅豬筒骨有唔少骨髓，仲黐咗啲筋膜位置，鍾意咬骨嘅朋友仔應該超鍾意！
🐂◖手切本地肥牛◗ $268
叫咗一份細嘅，都唔少嘢，而且佢望落似現切牛，雪花分布得好靚，牛味香濃又唔會覺得油膩！牛肉切得都幾厚，就咁食牛味超濃，而且口感一啲都唔韌，係好滿足嘅肉感，必點！
🧆◖鮮四寶丸◗ $88
有墨丸、蝦丸、牛丸同豬肉丸各兩粒，乜都都可以試吓，全部水準都唔錯！入面最鍾意蝦丸同牛丸，口感夠彈牙，蝦丸仲加入咗啲蟹籽，食落去卜卜脆；牛丸好爽彈，牛味濃郁！
🐖◖豬潤◗ $68
豬潤拎落去打邊爐夠爽脆，但覺得呢間嘅豬潤口感有啲怪🫢，可以唔使試～
🐟◖脆鯇片◗ $68
有八大片魚片，一放落個湯度就開始收縮，啲肉一邊白就可以撈起！食落夠脆夠鮮，好食，但夾雜咗少少細骨，食嘅時候都要小心啲～
🥬◖油麥菜◗ $38
食到尾聲，落埋個油麥菜，呢個湯底煮出嚟嘅菜超甜，好食！
🥤◖Zero◗ $18
🌟Encore指數：9/10
張貼
