影片
更多
2022-11-27
510 瀏覽
九龍城呢個美食天堂除咗泰國菜之外，亦有好多火鍋店，今次去咗「龍城金記海鮮火鍋」大嘆港式邊爐。 餐廳感覺幾新淨，大部分座位都係卡位，而且夠闊落，坐得幾舒服。 食物方面，湯底同火鍋配料選擇非常多，單單湯底已經有二十多款，花多眼亂呀！配料由肉類、海鮮、蔬菜至丸同餃都有，而且性價比幾高。 金銀菜豬肺 拼 冬瓜元貝雞鍋 （$108）必須要大讚呢度嘅湯底好足料，金銀菜豬肺鍋有啖啖菜乾同豬骨味，而且都有幾多湯料，至於冬瓜元貝雞鍋比較濃味啲，餐廳好慷慨比咗好多元貝，好鮮味，入面嘅雞件仲幾滑。另外加$10就可以雙拼鴛鴦鍋（以價錢較高鍋底為主鍋），幾開心喎！❤️❤️ 手切鮮肥牛 （大）（$268）手切肥牛份量都幾多，厚度適中，望落脂肪唔算多，食落帶少許筋，整體牛肉味幾濃。 馬刀貝 （$128）＆ 桂花蚌 （$128）海鮮好新鮮，馬刀貝肉幾大粒，桂花蚌份量正常，好爽口味道唔錯。 😋新鮮鵝腸 （$78）一份都幾大碟，鵝腸處理得夠乾淨，食落好爽脆帶點鵝油香。 鮮炸響鈴 （$58）新鮮脆炸熱辣辣響鈴，一份有8件，食落無成口油，浸埋湯底食就perfect！ 👍👍炸芋頭 （$48）呢個炸芋頭驚有驚喜，芋頭夠粉，剛炸好就咁
餐廳感覺幾新淨，大部分座位都係卡位，而且夠闊落，坐得幾舒服。
食物方面，湯底同火鍋配料選擇非常多，單單湯底已經有二十多款，花多眼亂呀！配料由肉類、海鮮、蔬菜至丸同餃都有，而且性價比幾高。
金銀菜豬肺 拼 冬瓜元貝雞鍋 （$108）
必須要大讚呢度嘅湯底好足料，金銀菜豬肺鍋有啖啖菜乾同豬骨味，而且都有幾多湯料，至於冬瓜元貝雞鍋比較濃味啲，餐廳好慷慨比咗好多元貝，好鮮味，入面嘅雞件仲幾滑。另外加$10就可以雙拼鴛鴦鍋（以價錢較高鍋底為主鍋），幾開心喎！❤️❤️
手切鮮肥牛 （大）（$268）
手切肥牛份量都幾多，厚度適中，望落脂肪唔算多，食落帶少許筋，整體牛肉味幾濃。
馬刀貝 （$128）＆ 桂花蚌 （$128）
海鮮好新鮮，馬刀貝肉幾大粒，桂花蚌份量正常，好爽口味道唔錯。 😋
新鮮鵝腸 （$78）
一份都幾大碟，鵝腸處理得夠乾淨，食落好爽脆帶點鵝油香。
鮮炸響鈴 （$58）
新鮮脆炸熱辣辣響鈴，一份有8件，食落無成口油，浸埋湯底食就perfect！ 👍👍
炸芋頭 （$48）
呢個炸芋頭驚有驚喜，芋頭夠粉，剛炸好就咁食都好好味！ 😉
散尾雲吞 （$68）＆ 自家制韮菜餃（$58）
各自一份有8粒，餡料好有份量，雲吞入面有原隻鮮蝦，個人比較喜歡韮菜餃，皮薄多餡，食落好juicy，唯獨調味略為重手咗啲。
雜錦時蔬 （$48）
蔬菜籃入面有4款菜，有生菜、油麥菜、小白菜及菜心。份量幾足而且夠新鮮，菜心幾甜。 😊
餐廳食物質素唔錯，價錢亦好相宜，店員會主動加湯，服務好貼心。見其他客人點咗海鮮好新鮮好吸引，有機會要再嚟試下！😉
張貼
