西關粥品 (已結業)

今日同朋友喺元朗食飯，佢一向食得健康清淡啲，就介紹咗食依間「西關粥品」💁‍♂️粥品嘅選擇都幾多，仲有腸粉、小食，我就要咗艇仔粥，貪佢樣樣材料都有啲😝艇仔粥雖然望落冇咩特別，但係裡面嘅材料非常豐富，有魚片、鯪魚肉、豬皮、蝦仁、叉燒、海蜇、魷魚等等，再加埋油炸鬼、花生、蛋絲同蔥花，啲材料幾乎多過粥，十分足料🤩大部分粥品都係$40左右，腸粉就$30左右，粥品小食都份量充足，$100以下就食得好飽，難怪食緊嗰時一直keep住有人嚟買外賣返屋企食🏠不過店入面有蚊，環境就爭少少😹