吞POT 雞煲火鍋.住家菜 (山林道) (已結業)

同朋友去尖沙咀食晚飯，見好耐都無食火鍋，就book 咗呢間喺山林道嘅「吞POT 雞煲火鍋·住家菜」，一入到去就feel 到冷氣好夠凍。外面熱到爆炸，最怕要滴住汗咁食火鍋，餐廳冷氣夠勁真係好緊要😛打開餐牌，雞煲同火鍋湯底都好多選擇，我哋揀咗個滋補螺片花膠雞煲。一嚟到要試吓淡湯先～ 好好味呀，又勁足料，啲雞又好滑，花膠 & 螺片多到我哋都食唔晒😋😋個雞煲食到咁上下，我哋就請店員加湯，然後再叫咗幾樣火鍋料繼續食😬火鍋一定要食牛啦😆，我哋試咗特級雪花牛肋片，厚切又好香牛味😋。另外，一定要叫佢哋個自創爆芝響鈴，輕輕淥一淥 ，芝士就溶喺響鈴裏面，咬落去，外面脆卜卜，𥚃面啲芝士流出黎，好正呀！我哋仲叫咗手打丸&皇帝菜，都唔錯，幾新鮮。仲有杯西柚特飲，超大杯，配火鍋真係一流！