餃掂手工餃子雲吞專門店 (已結業)

今日晚餐食餃子! 一如以往，黎到呢到一定會叫既至尊松茸豬肉餃! 好足料，好好食。仲會配埋松茸醬，一邊係辣，一邊係唔辣，個人比較鐘意唔辣個款。呢款叫左湯餃，個皮絕對唔會太淋。仲配左佢個狀元九鼎湯，粉葛味突出，成個感覺係冇味精，好好飲。煎餃就叫左壽喜燒牛肉餃，咬開熱辣辣，入面好多肉汁，好juicy。今次第一次食佢既竹昇米線，係偏幼身既米線，幾有咬口。個湯底係有少少酸味，有D似平時食酸辣粉既味，但相對冇咁濃味。涼面都好好食，有辣再加麻醬，而且面質係彈牙個種。野飲叫左檸檬蜂蜜薏米水，都幾大杯，唔會太甜。