スーパー丼 (駱克道) (已結業)

其實真系超少食魚生飯，多數食魚生都系放題/ 居酒屋食，魚生飯呢樣食物確實滿足到勁中意食魚生既人，價錢冇散叫咁貴之餘又可以食到幾款魚生。想入去坐番低枱就要等下，座位數量吾多，得番高枱，自己本身吾中意坐高枱，所以等一陣都無妨。餐牌有多款選擇，除左呢度出名既魚生飯之外其實仲有熟食 e.g. 燒鰻魚飯、天婦羅飯，吾太中意食魚生但又想試呢間既人就多啲選擇喇首先叫左個火焰三色丼，有三文魚、左口魚背、中拖羅，三文魚每一塊都好大塊不過吾厚，其中一層就系燒過戈一層，層次好分明左口魚背偏向薄身，冇多餘既脂肪，中拖羅系燈光之下會見到閃令令，食完冇幾耐有回甘既感覺。三文魚親子丼既三文魚都系同樣既感覺，朵花擺系度做裝飾用黎相機食先感覺更好， 不禁影多張三文魚既特寫，真系超正架！