沙田頭火鍋 (已結業)

雖然天氣回暖, 但沒有打消打邊爐熱愛嘅心。今日放工即興同同事去咗旺角呢間火鍋店打邊爐。餐廳分上下兩層, 地方整潔,湯底款式選擇多, 其中一款蟹鍋嘅湯底, 包含了兩隻肉蟹, 價錢唔洗$400, 吸引咗我地Order。醬料方面有四款配料自由混醬, 醬料費每位只係$5, 對比坊間火鍋店, 真係抵到爛!【海鮮蟹皇鍋】HK$388近乎奶白色嘅湯底, 浮現著不少豐富食材, 包括有兩隻肉蟹、沙白、魚肚、竹笙、紅蘿蔔同埋白蘿蔔。(未知是否因粟米缺貨而改以紅蘿蔔取締)但亦無損整體味道。湯底中嘅肉蟹係新鮮滾起, 鮮甜實肉, 非滾了多時嘅湯料。魚肚、竹笙、紅蘿蔔同埋白蘿蔔盡索湯底味道, 每口鮮味無比。 【美國牛小排(細)】HK$238牛小排開邊, 雖然整片色澤未算嫩紅, 放入湯底中焯幾下就食得; 肉質非常軟腍,肉味濃。除了火鍋配料, 餐廳另供應少量送酒小食, 雖然唔飲酒, 但都order咗一款小食。 【藤椒麻辣爽魚皮】HK$68鯪魚魚皮超爽脆, 每咬一下都卜卜脆, 撈埋麻辣汁, 香辣惹味, 開胃。