Lockeroom Dining (朗晴坊) (已結業)

今日同朋友行完旺角去咗朗晴坊既Lockroom Dining食晚餐。呢間餐廳足球做主題，入面放滿阿仙奴既擺設。坐低咗之後我地叫咗dinner set，個套係有埋沙律、餐湯、蒜蓉包、主菜同餐飲。首先黎咗個沙律，係用個玻璃樽裝住，入面有羅馬生菜、蕃茄，可以撈沙律醬一齊食。之後就黎咗洋蔥湯，入面啲洋蔥係打碎哂既，飲落甜甜地，配埋蒜蓉包好夾。主菜方面我就叫咗牛肉眼拼法國鵝肝，鵝肝煎得外脆內暖，保留左好重鵝脂。牛肉眼亦都煎得十分出色，就算係七成亦都煎得好冧，同食落好香牛味。而黑毛豬拼北海道元貝，個BBQ醬同整個黑毛豬好夾，食落去甜甜酸酸，可以平衡返佢黑毛豬嗰種濟嘅感覺。最後嘢飲方面，杯即磨咖啡豆味好香，而果茶就好足料，有好多水果粒，但係就偏甜咗啲。