WM Café & Bar (科學園) (已搬遷) 新店位置

今日係沙田科學園果邊參加完Kuma Fun Run 2017，唸住係附近搵d嘢食，入左嚟依間cafe醫肚。好明顯跑完步嘅我地係真係好肚餓，兩個人嗌左三個餐，水準都幾好！第一個就係芝士黑松露蘑菇pizza，睇下幅相就知d芝士都幾足，配埋黑松露濃郁嘅香味，補充翻曬跑步消耗嘅體力！個人都係偏好薄皮pizza，依個pizza烤得夠脆夠薄，都幾滿意。第二個餐就係安格斯牛漢堡，個餐配左粗薯條，正常情況下嘅份量已經係絕對足夠！層安格斯牛排都幾厚下，要將個漢堡切成四份嚟食，再配d番茄醬就好完美啦～最後就係帶子意粉啦。雖然佢嘅賣相一般，但食落都ok㗎。