蓮園粥粉麵

營業中

休息中

初三赤口，去完朋友家，想附近清清地食粥，一家人就近行左入蓮園。一入去，中間一大張枱，放左好多雜物同一盤多碗類似焦糖燉奶的甜品，係冇嘢冚住嘅。叫嘢食，老闆娘問幾次要唔要腸粉。後來有人想食炸兩，佢好晦氣話：「過年油炸鬼師傅冇返，叫左你食腸粉啦，冇炸兩呀！」❌艇仔粥，冇味、少料、好水。賣$55碗難食過海皇粥店好多。❌雙丸撈面，係白水烚咗就咁上枱。感覺唔對路，一問，老闆娘又大大聲答：「你唔講要撈咩我地都就係咁上㗎啦，你要咩講啦。」咁你落單又冇問埋我地撈咩醬，餐牌都冇註明。❌雲吞麵，湯冇味，但雲吞味道尚可。小朋友用筷子敲左隻碗兩三下（真係唔係狂敲打鼓嗰種），老闆娘又走嚟話：「你咪敲呀！之前啲小朋友好乖，而家啲小朋友好曳，我會認得你！」😨想試啖阿女的雙丸撈面，一睇，抽面夾住隻瓜子咁大嘅曱甴仔！🪳🤮🪳怕女嚇親，定一定神，快快夾抽面去另一碗度。（最衰係我冇影相！！）立刻揮手叫老闆娘嚟。佢見到🪳，就問：「咁你而家想點呀？要整過定係點？成碗換哂佢呀？」第一次食到曱甴面，第一次見到咁冇禮貌的老闆娘！帶住小朋友我冇同佢嘈交，但呢次經驗值得同大家分享！呢間真心唔應該幫襯啦。