上海弄堂菜肉餛飩 (綿發街)

營業中

休息中

今日去咗跑馬地上海弄堂，見最近涼涼地想食啲暖嘢，上海菜就啱曬我同朋友！先嚟嘅係熱辣辣嘅大麥茶，味道香濃。我哋叫咗一個超值一人套餐同一個午市套餐share食，十分實惠。朋友試咗陽春麵，麵條彈牙有嚼勁，而且相對幼身，好啱佢口味。我就揀咗健康嘅菜飯，好大碗。前菜揀咗我最鍾意嘅鎮江肴肉。呢味特色菜整得非常好，唔會太肥膩，好似啫喱咁嘅口感。主菜揀咗紅燒牛肉，仲有白蘿蔔，白蘿蔔炆得幾好，夠腍夠入味。另外一道主菜揀咗鎮江排骨，亦非常值得品嚐，酸酸甜甜的味道非常開胃。飲品我叫咗杯凍豆漿，幾香滑。朋友叫左杯茅根甘蔗水，清清甜甜咁，中和返今餐比較濃味嘅食物。超值套餐仲送咗酸辣湯，係我最鍾意嘅湯之一。味道濃沃又足料，既開胃又有口感，辣辣地仲可以暖身。