影片
更多
2020-12-04
1337 瀏覽
上星期去旺角 T.O.P 選購聖誕禮物，發現原來地庫個美食廣場「FoodYum」已經開咗幕。場內進駐了不少新食肆，可惜當天已吃了午飯，趁今日嚟開附近做嘢，專登過嚟幫襯下。個 Food Court 佈置得好有特色，色彩繽紛，以港式 Style 為主題，場內掛滿霓虹燈，加上不同 hashtag，裝修既新潮又有創意。 行咗一圈，入面有 5 間小食店同 1 間火鍋店，有齊中、日、韓及港式餐廳，間間都好吸引，最後揀咗這間來自美國南部路易斯安那州的「大力水手炸雞」。店舖雖然主打炸雞，但其實餐牌上都有唔少選擇，好似爆谷蝦、蘑菇飯、炸雞漢堡、牛油鬆餅、洋蔥圈、趣辣薯蓉等。點咗炸雞、薯條、辣雞翼、炸雞柳、爆谷蝦、炸雞漢堡同汽水，睇下幾豐富。趁熱先食薯條 Cajun Fries，薯條應該係啱啱炸起，拿上手時仍熱辣辣，入口脆卜卜，雖然唔係粗身版本，但食落微微 Spicy，充滿胡椒香，惹味非常。Chicken Tender 大力水手炸雞柳，平時比較少食炸雞柳，總係覺得肉質比較嚡，但呢度嘅炸雞柳質素都唔錯，外層粉漿夠薄，雞肉味道亦夠香，入口啖啖肉。旁邊的 Cajun Wings 奇脆辣雞翼，食味亦不俗，兩隻雞
上星期去旺角 T.O.P 選購聖誕禮物，發現原來地庫個美食廣場「FoodYum」已經開咗幕。場內進駐了不少新食肆，可惜當天已吃了午飯，趁今日嚟開附近做嘢，專登過嚟幫襯下。
個 Food Court 佈置得好有特色，色彩繽紛，以港式 Style 為主題，場內掛滿霓虹燈，加上不同 hashtag，裝修既新潮又有創意。 
行咗一圈，入面有 5 間小食店同 1 間火鍋店，有齊中、日、韓及港式餐廳，間間都好吸引，最後揀咗這間來自美國南部路易斯安那州的「大力水手炸雞」。
店舖雖然主打炸雞，但其實餐牌上都有唔少選擇，好似爆谷蝦、蘑菇飯、炸雞漢堡、牛油鬆餅、洋蔥圈、趣辣薯蓉等。
點咗炸雞、薯條、辣雞翼、炸雞柳、爆谷蝦、炸雞漢堡同汽水，睇下幾豐富。
趁熱先食薯條 Cajun Fries，薯條應該係啱啱炸起，拿上手時仍熱辣辣，入口脆卜卜，雖然唔係粗身版本，但食落微微 Spicy，充滿胡椒香，惹味非常。
Chicken Tender 大力水手炸雞柳，平時比較少食炸雞柳，總係覺得肉質比較嚡，但呢度嘅炸雞柳質素都唔錯，外層粉漿夠薄，雞肉味道亦夠香，入口啖啖肉。
旁邊的 Cajun Wings 奇脆辣雞翼，食味亦不俗，兩隻雞翼嘅 Size 雖然都唔算好大，不過金黃色嘅外表，已經夠曬煞食，而且出面個皮炸得十分香脆，內裡的雞肉好嫩滑，入口還帶點微辣，惹味又不油膩。 
Bone-in Chicken 大力水手炸雞，炸雞有四個唔同嘅部位可供選擇，如果揀雞鎚、雞全翼就 $16 一件，而雞胸、雞上腿就要收 $24 件。點咗雞鎚同雞胸各一，炸雞外皮非常脆口，雞肉一撕就開，入口皮脆肉嫩，一點也不乾柴，吃下去很 Juicy。
Popcorn Shrimp 爆谷蝦，初頭真係以為啲蝦會好似爆谷咁迷你，但原來望落去 Size 都唔細，食落啖啖蝦肉，配埋個他他醬吃，一口一粒，好味。
Cajun Chicken Sandwich 炸雞漢堡，漢堡包入面夾咗大大塊、超厚身的炸雞，雞肉尺寸有掌心般大，入口酥香 Juicy，配埋個軟熟嘅麵包吃，食完夠曬飽肚。
張貼
