老點里 (已結業)

在佐敦搵嘢食，偶然路過此店。見到有午餐、有炒嘢、有點心，最緊要係有位唔洗等，即管入去試吓。先來籠熱辣辣嘅3色包。可以一次過試晒叉燒包、流心奶黃包及流心榛子朱古力口包。3款包包都好好味，唔太甜。如果食得落，好想叫多籠呢到試肉絲炒麵，多肉絲、唔算肥，個碟都唔會肥騰騰。不過，個人覺得味道稍淡。然而，家人話ok，唔好食太咸、太濃味嘛！見到牆上面有個宣傳：關注及分享 社交平台，即送飲品。原來係送汽水一枝，可樂、忌廉等4揀1。多謝老細！下次試埋其他點心及食物！