越南牛肉粉專門店 (裝修中)

作為荔枝角工友，這間越南粉的生牛河一向是我出外快食的不二之選。牛肉質素不錯，湯底不驚人，但可以，食完唔會過份口渴。今日打算20分鐘解決午餐，三十幾度暑天想試下撈檬，牛扒雞扒之間選了雞扒，全因雞扒有星星推介。好快有得食。配料多，甘筍絲青瓜生菜絲很充足，色水吸引，加分，特別之處係有蔥油（我都唔明點解，可能個廚覺得雞扒要食蔥油掛）。撈好個汁先，汁偏甜，酸一點更好，不過不失。檬粉分量亦是很足。試下主角雞扒，很遺憾，令成個餐倒扣50分，太咸，完全係腎病級別既咸，一邊吃一邊令人懷疑廚師係咪味覺出了問題。比返少少同情分，就係食得出雞扒用左蝦醬去醃，有獨特的香味，但個咸度真係不可饒恕。最後我承認我係食晒塊扒，基於真係肚餓同唔想浪費既原則，而家後悔緊。跟餐叫左熱檸茶，共銀$59。下次叫返生牛河算，記得唔好信星星推介。